Համայնք

Աստղ Նադիրյանը Հայաստանում առաջին հավաստագրված մանկական քնի խորհրդատուն է: Ֆրիլանս սկսել է աշխատել մայրանալուց հետո, երեխայի հետ տանը լինելով, որոշել է նաեւ տնից աշխատել: Սովորելն ու մասնագիտանալը ևս հեռավար է եղել, այդ պատճառով ի սկզբանե սովորել է հեռավար աշխատելաոճին:

Կարենը փոքրուց իր աշխատանքներով կիսվում էր ինտերնետում, հետո հասկացել է, որ կարող է նաև գործ անել և գումար աշխատել։ Առաջին անհաջողությունը հեռավար աշխատանքում կապված էր համակարգչի աշխատանքի խափանման հետ՝ վերջնական ֆայլերը տեղ հասցնելիս։ Ամենահաճելի պատվերը՝ Կանադայի կառավարության համար պատրաստած վիզուալներն էին, որոնք ցուցադրվեցին մի քանի մարդաշատ կետերում:

Պարույրը նախագծերի կառավարման և ներդրումների ներգրավման փորձագետ է, տնտեսագիտության թեկնածու: Զբաղվում է լեռնային հեծանվավարությամբ ու 5 կմ վազքով շաբաթական 2-3 անգամ հաճախականությամբ, ճամփորդում է շատ, ինքնակրթվում է ամեն օր, սիրում է թփով դոլմա, էկլեր ու տոմատի հյութ: 3 տարի է, ինչ աշխատում է ֆրիլանս:

Դավիթը գրաֆիկ դիզայնով զբաղվում է 2013թ-ից։ Դիրքավորվում է որպես բրենդինգի վիզուալ մասը իրականացնող դիզայներ։ Միշտ առանձին նշում է, որ անում է լոգո, փաթեթավորում և կորպորատիվ ոճ։ Պատասխանի ձևը հաճախ կախված է նրանից, թե հարցնողը ով է և որքան է տեղեկացված։ Դավիթը փորձում է առավելագույնս պարզ և հակիրճ խոսել։ Կարծում է` պետք չէ մարդկանց համար անծանոթ և անհասկանալի բառեր օգտագործել, երբ հետաքրքրվում են, թե ով ես դու։

Աստղիկի առաջին ֆրիլանս աշխատանքը լրագրությունն է եղել, խմբագրում էր հոդվածներ: Բազմիցս փոխել է մասնագիտություններ, քաղաքականությունից լրագրություն, սոցիոլոգիայից մարկետինգ, հոգեբանությունից՝ յոգա: Միտքը միշտ եղել է, առաջին անգամ ֆրիլանսի անցել է երկրից դուրս գնալու պատճառով: Դա եղավ սկիզբը և պարբերաբար սկսեց աշխատել այդ ոճով, հետո նորից վերադարձավ կանոնավոր գրաֆիկի: